Trafiku në Tiranë është një makth për banorët e kryeqytetit, që detyrohet të rrinë me kohë të stërzgjatur të bllokuar në rrugë. Me nisjen e vitit të ri shkollor është vështirësuar më shumë situata për ata që qarkullojnë me mjet. Në ditë të caktuara, për të shkuar nga një pikë e kryeqytetit në tjetrën, të merr më shumë kohë se sa të mbërrish në Durrës apo Elbasan.
Qeveria propagandon se ka kryer investime për të lehtësuar trafikun, por në fakt kanë rezultuar projekte me hije të rënda korruptive. Më tipiku ishte ai te Unaza e Re në zonën e Astirit. Një projekt i mbrojtur nga kryeministrit Edi Rama, që i ka tejkaluar afatet e lajmëruara fillimisht. Megjithatë kjo është e keqja më e vogël! Një prej prokurimeve të një prej loteve të këtij aksi u fitua nga një komani fantazmë që depozitoi në ARRSH një tufë me letra të falsifikuara, ndërsa çështja përfundoi në gjykatë me ‘amnisti’ ndaj “kokave të mëdha”. Ekspertët denoncuan kostot e stërfryra të projektit, ndërsa opozita se fituesit ishin të paracaktuar.
Përfundimi? Miliarda euro të taksapaguesve nuk janë më në buxhet, ndërsa trafiku në këtë zonë është edhe më i rënduar se më parë.
Për ta rënduar edhe më mendojnë pronarët e betoniereve, që qarkullojnë në unazë edhe pse ligjërisht ka një ndalim për lëvizjen e mjeteve të tonazhit të rëndë nga ora 09:00 deri në 20:00.
Fotot e mëposhtmë tregojnë një betoniere që lëviz në aksin që lidh zonën e “trenit” me kryqëzimin e “Don Boskos”. Këto mjete vijojnë të qakullojnë gjatë fashës 09:00 -20:00 pavarësisht ndalimit ligjor dhe zotimit nga kryebashkiaku i Tiranës Erion Veliaj apo policisë rrugore për ndalimin e tyre. Betonieria në foto i përket firmës “4 AM”, që nga pushteti ka fituar shuma të mëdha në tenderime publike të dyshuara korruptive, sa që është etiketuat dhe si “kliente e qeverisë”. Të jetë kjo arsyeja pse “4 AM” del mbi ndalimet?
Nga ana tjetër, nismat e bashkisë për të përdorur mjete alternative për lëvizjen në qytetet me qëllim uljen e numrit të qarkullimi të automjeteve kanë rezultuar një dështim. Disa vite më parë, Veliaj do të propagandonte shërbimin e biçikletave “mobike” që u prezantuan me zhurmën e një risie progresive, ndërsa u zhdukën në heshtje. Ngushtimi i akseve për automjetet për të ndërtuar rrugëkalime për biçikletat e përkeqësoi dhe më shumë situatën. Shërbimi i urban jo vetëm që nuk josh qytetarët të lënë automjetet në shtëpi, por është një katastrofë më vete.
Pavarësisht propagandës, trafiku në Tiranë sa vjen dhe përkeqësohet, ndërsa e vetmja shpresë për përmirësim mbetet trami i kreut të partisë së vulës, Lulzim Basha…
/BoldNews.al/
