Nga Boldnews.al
“Tepër urgjente”. Kërkohet një avokat populli jo më shumë se 1.67 cm i gjatë; esmer i thekur; të ketë qenë një herë ministër në kohën e Berishës; i shkarkuar prej tij për një aferë të mundshme të vëllait në tendera publike; të ketë kaluar me sukses “testin Rama”; të ketë shërbyer me besnikëri ndaj qeverisjes aktuale nën mbulimin si i pavarur për çështjet zgjedhore. Të jetë emërues i opozitës dhe të ketë ngritur dorën e aprovimit për çdo kërkesë që vinin nga avokatët e PS-së në Komisionin e Aknesave dhe Sanksioneve (KAS). Kush i plotëson këto kritere?
“Urgjent duhet të zgjedhim Avokatin e Popullit. Besimplotë se me opozitën do arrijmë të gjejmë një figurë që do të vijë me propozim nga opozita por të jetë figurë dinjitoze për atë pozicion”, tha dje kreu i Grupit Parlamentar të PS-së, Bledi Çuçi. Socialistët bëjnë çfarë thonë dhe thonë atë që bëjnë. Kjo është moto e kryeministrit Edi Rama i cili edhe këtë herë nuk do të zhgënjenjë në zgjedhjen e Avokatit të Popullit. Ashtu si e do ai, që të ketë dhënë prova se është i bindur dhe ky institucion i pavarur, jo shumë ndikues gjithsesi duhet të jetë nën oazin e qeverisë.
Me superpushtetin që ka kryeministrit Rama nuk u prish apsak punë një Avokat Populli i pavarur. Dmth edhe ajo që është tani nuk është se i ka prishur ndonjë punë edhe ka marë ndonjë masë në favor të qytetarëve, përvecc ndonjë deklarate tek tuk. Por edhe kushdo që të zgjidhej nga emrat e përfolur deri më tani nuk është se do qulloste ndonjë gjë ndryshe. Është institucion rekomandues dhe jo vendimarrës. Megjithatë thjesht ideja se është një copëz institucioni jo nën kontrolklin e tij ndikon më shumë në psiqikën kryeministrore se përse nuk e kontrollon edhe atë. Praktikisht Rama i kontrrollon në mënyrë lineare të gjitha institucionet e ashtuquajtura të pavarura dhe krerët e tyre duket sikur janë në rresht kush ta shtrijë kurrizin ccik më shumë dhe ca më parë para kumandarit.
Ishte krijuar një rregull prej dy dekadash që Avokati i Popullit të ishte eksluzivitet i përzgjedhjes si emra nga radhët e opozitës dhe më pas bashkarisht zgjedhin një prej emrave të propozuar. Këtë rregull e shkeli Rama një vit më parë kur refuzoi kandidaturat e opozitës dhe e shtyu çështjen e zgjedhjes së Avokatit të Popullit në një kohë tjetër dhe jo pa qëllim. I duhej emri që ai ka në kokë. I duhet personi që i shërben më shumë dhe i nevojitet një njeri që thotë se njeh mirë ligjet, por mbi të gjitha “Kanunin e Rilindjes”.
Nuk e vranë shumë mendjen se kush i plotëson të gjitha këto kritere. Ai ka treguar në shumë raste se është një bir i bindur i pushtetit. Në këtë rast Rama ka edhe një mekanizëm më shumë për të sfumuar disi paranojën që një pushtet sado i vogël dhe pa ndikim nuk është nën diktatin e tij. Po kush është ky personazh që po kërkon Rama? Ilir Rusmajli është aty pranë… Provat janë sheshit, mjafton vetëm makinacioni që do të përdoret, forma që do të ndiqet dhe në fund Rama plotëson dëshirën e kahershmë që edhe isntitucionet “honorifike” si Presidenca dhe Avokati i Popullit ti ketë nën thundrën e tij. Mjafton të shohim se si KAS-i që ai drejton me atë në krye u bë palë në shkatërrimin e zgjedhjeve të 14 Majit.
Ngjan sikur Rama ka zgjedhur një agresor dhe jo një Avokat për Popullin.
Faktet janë aty në kapercimin e frikshëm nga një kah politik në tjetrin dhe gjithnjë në kohën e duhur për të kapur “trenin e Rilindjes”, të cilit atij i vjen më shumë se një herë në jetë…!
