Një aksident tragjik ka ndodhur mëngjesin e sotëm në Tezze sul Brenta, në provincën e Vicenza të Italisë.
Mediat italiane raportojnë se viktimë ka mbetur një 38-vjeçar shqiptar, identiteti i të cilit momentalisht nuk bëhet i ditur.
Mësohet se shqiptari po udhëtonte me motor kur në rrethana ende të paqarta i ra nga pas një automjeti. Nga përplasja shqiptari përfundoi në korsinë tjetër të rrugës ku u godit nga një tjetër makinë, që nuk arriti të ndalonte në kohë.
Shqiptari mësohet se humbi jetën në vendin e ngjarjes.
