Rreth 200 policë kanë marrë pjesë në operacionin kundër trafikut ndërkombëtar të drogës dhe kundër shfrytëzimit të prostitucionit, i koordinuar nga ushtria e Komandës Provinciale të Milanos, ku u vunë në pranga 24 persona.
Në pranga janë vënë: 2 italianë dhe 16 shqiptarë, 5 marokenë dhe një tunizian.
Urdhri i arrestit është dhënë nga gjyqtari hetues i gjykatës së Milanos, me kërkesë të drejtorisë lokale të rrethit antimafia në bashkëpunim të ngushtë me prokurorinë publike të Monzës.
Konkretisht, urdhëresa flet për krimet e bashkimit kriminal që synojnë trafikun ndërkombëtar të drogës, ndihmën dhe shfrytëzimin e prostitucionit, grabitjen dhe zhvatjen. Rrjeti i dendur i trafikut të drogës që u çmontua ishte i rrënjosur në zonën e Milanos, por ishte në kontakt të vazhdueshëm me Shqipërinë.
Sipas akuzave, të arrestuarit nxisnin trafik droge në territorin italian dhe zviceran.
Arrestimet u kryen në provincat e Milanos, Bergamos, Cremona, Lecco, Lodi, Mantua, Monza Brianza, Piacenza, Savona, Torino dhe Varese, Brescia dhe Cosenza.
Gjatë hetimeve, në provinca të ndryshme të Italisë veriore (Bergamo, Monza dhe Brianza, Torino dhe Verona) u sekuestruan 42 kg lëndë narkotike përfshirë heroinë, kokainë dhe hashash, si dhe 2 armë pa leje dhe 13 mijë eurosh cash.
