Policia ka vënë në pranga një 61-vjeçare në Belsh pasi ushtroi dhunë ndaj nuses së djalit të saj. Nga ana tjetër dhe e reja ka ushtruar dhunë ndaj vjehrrit ndaj policia ka nisur procedimin në gjendje të lirë ndaj saj.
“Specialistët për Hetimin e Krimeve të Komisariatit të Policisë Cërrik arrestuan në flagrancë shtetasen F. T., 61 vjeçe, banuese në Belsh, pasi ka ushtruar dhunë ndaj nuses së djalit të saj, shtetases M. T., e cila është e pajisur me urdhër mbrojtjeje.
Gjithashtu, nisi procedimi në gjendje të lirë për shtetasen M. T., pasi ka ushtruar dhunë ndaj vjehrrit të saj.“- njofton policia.
Materialet i kaluan Prokurorisë për veprime të mëtejshme.
