Personi që shihni në foton e mëposhtme është 36 vjeçari Erind Mrruku, që u arrestua këtë të martë në kryeqytet pasi qarkullonte me armë zjarri me vete.
Ngjarja ndodhi në rrugën “Nënë Tereza”, në Kamëz teksa gjatë kontrollit fizik nga policia iu gjet një pistoletë me fishek në fole gati për qitje.
Pasi u mor në pyetje, ai nuk ka pranuar të japë deklarime. Por për shkak se arma ishte me fishek gati për qitje, policia dyshon se mund ta përdorte në ndonjë ngjarje.
Ndërkohë në vijim të veprimeve, ka rezultuar se Mrruku ka qënë i dënuar më herët për vrasje dhe armëmbajtje pa leje. Në Korrik të vitit 2010, Mrruku, asokohe 23 vjeç, ka vrarë shtetasin Fabian Nika.
Dyshohet se Mruku dhe Nika janë përplasur për motive të çastit në plazhin e Shëngjinit dhe më tej janë riparë në orët e pasmesnatës kur edhe ka ndodhur krimi fatal.
Fabian Nika, 24 vjeç, ishte djali i një biznesmeni të njohur në zonë, si ksapo kishte debutuar si këngëtar i muzikës së lehtë.
