Kryedemokrati Sali Berisha ka deklaruar se kryeministri Edi Rama ka anuluar emërimin e Elisa Spiropalit si ministre e Jashtme, pasi ka parë një video të saj ku, sipas tij, shihet duke bërë mbledhje me bandat e Bajrave dhe biznesmenin Pëllumb Gjoka, i arrestuar për lidhje me grupe kriminale.
Berisha u shpreh se kreu i qeverisë, Rama anuloi vendimin e tij në moment të fundit.
Ai theksoi se “Spiropali nxinte në Asamble, iu bënë pluhur ëndrrat për tu bërë Ministre e Jashtme nga një video që qarkullon me Bajrat”.
Më tej Berisha deklaron se sapo ta gjejë videon do ta publikojë.
“Të gjitha ndryshimet e qeverisë kishin diktat krimin, largohet Olta Xhaçka pasi bëri investitor strategjik burrin iu vërsul pronave të ushtrisë.
Spiropali bënte mbledhje me grupin e Bajrave dhe Pëllumb Gjokën, e bandat e tjera të Shkodrës në një hotel kjo detyroi Ramën të anulonte emërimin e saj. Sapo të më bjerë në dorë video do ta publikoj. Kur e pa si nxinte Eliza në Asamble, ajo ra në sy nga të gjithë, iu bënë pluhur ëndrrat për tu bërë Ministre e Jashtme nga një video që qarkullon me Bajrat”, tha Berisha.
