Një masakër e rëndë ka ndodhur në Greqi ku 6 persona kanë humbur jetën pas të shtënave me armë zjarri.
Nga raportimet e para mediat lokale bëjnë me dije se masakra ka ndodhur si pasojë e një përplasje mes bandave në vendin fqinj. Dyshohet se 6 viktimat janë me kombësi shqiptare.
Sipas informacioneve paraprake bëhet fjalë për një larje hesapesh. Protothema.gr raporton se autorët kanë përdorur 25 plumba për të ekzekutuar viktimat. Sipas informacioneve, ngjarja ka ndodhur në rrugën Arafinos, në afërsi të kryqëzimit me rrugën Arionos në Artemisa, ku persona të panjohur kanë hedhur me gaz një makinë në të cilën ndodheshin gjashtë persona.
Në përfundim të ngjarjes, në automjetin me targa gjermane janë gjetur pesë persona të vdekur dhe një tjetër i vdekur, jashtë mjetit.
- Pamje të rëndanga vendi i ngjarjes, viktimat brenda makinës
Sipas informacioneve të para bëhet fjalë për një larje hesapesh me autorët të cilët janë arratisur, sipas informacioneve, me një automjet të zi. Raportohet se mjeti nga i cili është qëlluar ka qenë me targa shqiptare false.
Mirëpo, këto janë të shtëna nga një pistoletë 9-gamesh dhe ndoshta lidhen me një rast “mafioz” për të larë hesapet.
Forca të forta të grupit DIAS kanë mbërritur në vendngjarje dhe kanë rrethuar zonën, ndërsa plumbat e gjetur vijnë nga një pistoletë 9 gamë që duket se është përdorur në ekzekutim.
Policia ka nisur hetimet për identifikimin e autorëve, ndërsa në të njëjtën kohë po mbledh dëshmitë e banorëve të zonës dhe po skanon kamerat e sigurisë për të mbledhur video materiale që do t’i ndihmojnë të zbardhin lëmshin e ekzekutimit.
- Flet dëshmitari i parë i ngjarjes
Mediat greke kanë publikuat edhe dëshminë e një qytetari i cili ndodhej pranë vendit të ngjarjes kur autorët zbrazën 25 plumba mbi trupat e shqiptarëve.
“Isha në kompjuter, dëgjova të shtëna të vazhdueshme. E dija se ishte një armë nga tingulli që bëri disa herë dhe pasi mbarojnë dëgjoj përsëri në një kohë të shkurtër. Them se kjo është padyshim një armë sepse të hënën nuk bëhet fjalë për pagëzime apo dasma. Isha i shqetësuar se ishte lagjja jonë këtu. I kishin mbuluar trupat, erdhi Policia dhe nga sa mora vesh ishin të gjithë të vdekur. U shqetësova sepse dëgjova se ishin të shtëna të shumta. Kur mbërrita këtu, viktimat ishin në makinë”, përshkruan banori i zonës.
KASAPHANË në Greqi! 6 viktima pas përplasjes me armë, dyshohet se janë shqiptarë
