Partia Demokratike ka publikuar ditën e sotme librin e titulluar “Farsa zgjedhore e 14 majit në Shqipëri”. Në njoftimin e saj, selia blu bën me dije se “pas një pune intensive të një grupi ekspertësh të zgjedhjeve, ligjit dhe medias ka finalizuar databazën e manipulimit të zgjedhjeve të 14 majit 2023”, të cilën e ka përmbledhur në një libër anglisht.
Deputetja e PD-së, Albana Vokshi deklaroi se më 14 maj nuk pati zgjedhje të lira dhe të ndershme. Gjatë prezantimit të librit me shkeljet dhe denoncimet sa i takon zgjedhjeve, Vokshi tha se patronazhimi është një nga krimet më të mëdha elektorale.
Vokshi deklaron se në bashkinë Tiranë, Veliaj ka ngritur një sistem patronazhimi, të gjitha nevojat dhe problemet, dhe i ka bashkuar me të dhëna të e-Albania. Në krye të kësaj skeme është Arbjon Mazniku, shprehet deputetja.
“Kemi të bëjmë me një krim elektoral. Duhet të gjenden zgjidhjet e problematikës. Do të ndalem te ajo që kam më shumë përzemër, që ka të bëjë me patronazhimin. Zgjedhje të lira këtu nuk do të ketë nëse nuk merren masa. Institucionet duhet të hetonin çdo shkelje. Ky rekomandim u përsërit. Nuk ka pasur votë në 14 maj, por ka pasur votime. Nuk ka qenë vota e lirë. Mbi 40 kallëzime janë bërë në SPAK. Mbi 140 denoncime zyrtare në KQZ. Asnjë institucion nuk kishte sy për të dëgjuar për krimin elektoral. Patronazhimi është një nga krimet më të mëdha elektorale. Në bashkinë Tiranë, Veliaj ka ngritur një sistem patronazhimi, të gjitha nevojat dhe problemet, dhe i ka bashkuar me të dhëna të e-Albania. Në krye të kësaj skeme është Arbjon Mazniku.
Kapja nga Rama e të gjitha pushteteve dhe institucioneve nuk siguroi barazi në garë dhe nuk mbrojti të dhënat personale. Një kapitull të veçantë në këtë libër është patronazhimi si krimi më i madh elektoral i ndodhur në këto vite pluarlizëm. Nuk ka sot asnjë të dhënë personale të mbrojtur.
Nuk mjafton vetëm zbardhja dhe transparenca e krimit elektoral të ndodhur në 14 maj.
Ne si opozitë kemi detyrë që të ndërmarrin institucionalisht, por dhe duke përdorur format e tjera demokratike për të zhbërë këtë sistem të ngritur të Ramës. E kam kërkuar që në 2021 që të ngrihet komisioni hetimor për zbardhjen e skemës së patronazhimit, e cila u dështua me sukses në legjislaturën e kaluar. Ngritja e një komisioni hetimor për zbardhjen e krimit elektoral dhe skemës së patronazhimit u diskutua edhe në mbledhjen e deputetëve të opozitës.
Nëse nuk shkatërrohet kjo skemë, nëse nuk dënohen personat e përfshirë në këtë krim elektoral nuk do mund të ketë zgjedhje të lira në Shqipëri”- tha Vokshi.
