Një takim të mirë dhe frytdhënës e ka cilësuar deputeti Luan Baçi, mbledhjen e deputetëve të opozitës, ditën e djeshme, e iniciuar nga Gazment Bardhi.
Në studion e Faxnews, Baçi u shpreh se nuk ishte një ftesë por një njoftim, që iu përgjigjën pjesa dërrmuese e deputetëve.
Deputeti dha edhe detaje të vendimeve që u morën në mbledhje, si vazhdimi i reformës zgjedhore apo ngritja e komisioneve parlamentare për dica cështje me rëndësi.
Baci: “Nuk ka ftesë, por një njoftim dhe atij njoftimi iu përgjigjën pjesa dërrmuese e deputetëve, 43 ishin prezent dhe 4 ishin online. Rreth 50 deputetë. Ishte një takim frytdhënës, i mirë që do vazhdojë në mënyrë të përjavshme, ashtu sic e ka për detyrim grupi parlamentar për të diskutuar për rendin e ditës, axhendën dhe për betejën në parlament.
Ishin propozime që kishin ardhur nga deputet të ndryshëm. Një nga cështjet kryesore që u vendos është vazhdimi i reformës zgjedhore, ngritja e komisionit për reformën zgjedhore, që duhet të fokusohet te kërkesa e fundit që ka pasur opozita,tek listat e hapura, tek vota e lire e qytetareve. Ngritja e komisioneve parlamentare u pa më rendësi, si ceshtja e sterilizimit, një cështje e madhe korruptive dhe opozita ka kohë që flet për të. Ato që ka thënë opozita, po dalin në shesh. Janë cështjet zgjedhore, të patronazhistëve të famshëm.
Në takim u vendos edhe për komision hetimor për cështjen e korrupsionit në AZHBR, flasim për fonde që vijnë nga BE.
Ndërkohë i pyetur nëse do të krijohet një grup parlamentar të ri, ai tha se ky grup tashmë ekziston teksa hodhi sërish akuza ndaj Lulzim Bashës. Për këtë të fundit, Baçi tha se Basha e ka çuar PD në drejtim të gabuar.
Baçi: Nuk ka si të krijohet grup parlamentar me emër tjetër, sepse ne jemi grupi parlamentar i PD. Basha nuk arriti tu impononte krijimin e një grupi apo partie tjetër. Ai ka bërë veprime për ta cuar PD në drejtim të gabuar, me përjashtimin e 9 deputetëve, të Berishës dhe 8 deputetëve të tjerë.”
