Nga Artan Fuga
Me beri pershtypje foljet ishin zgjedhuar ne njejesin e vetes se trete. Nuk kishte : Ti je hajdut! Por, ai i korruptuari, ta dije mire…
Ajo qe me beri shume, po shume, pershtypje, nga asambleja e PS ishte se referuesi kryesor fajesonte pa emer kedo, shigjetonte ne pergjithesi te gjithe pjesemarresit, prodhonte, sic do thoshte Jaspersi, nje fajesi universale, shigjetonte si vjedhes, grabites, te mundshem cdokend ne ate salle.
Te gjithe ishin njeheresh edhe te abuzuar nga vjedhesit e korruptuar, por edhe probabilisht vete vjedhes. Pra, ishin dhe popull dhe armiq te popullit.
U modelua nje profil vjedhesi qe qarkullonte mbi kokat e asambleisteve ne salle, si nje shpirt qe kerkonte trupin per t’u inkorporuar.
Te gjithe fajtore te mundshem. Askush nuk guxoi te thoshte: Me ke e keni zoteri? A thua se gjithkush ndihej fajtor.
A thua se kompleksi i fajit rendon kolektivisht, dihet qe nga kompleksi i kastrimut, tredhjes. Jetojme me ndjenje faji-zbuloi Frojdi. Mbi kete vetefajesim mbivendoset ligjerimi fajesues universal i babait.
Sikurse ka zbuluar Hannah Arendt kjo lloj fajesie universale qe prek gjithkend, shuan dallimin midis viktimes dhe prokurorit. Sikurse thoshte behet nje diktature e vetvetes kunder vetvetes, qe krijon paradoks logjik dhe politik.
Shihja fytyra asambleistesh! Disa sikur thoshin:
Ku e di ky se edhe une kam ngjyer doren?
Tjetra: o Zot mos e ka per mua?
Tjetra: Si te bej te mbaj nje pafajesi ne fytyre? Tjetri: A do te me coje ne SPAK.
E bukura ishte se ata te dyshuarit konkrete kishin ikur nga rreshtat e pare. Rrinin si Kadriu ne mbledhjen e plenumit, sa me ne fund. Rreshtat e pare boshatisur sikur gjithkush fshihej pas tjetrit.
Edhe ministret ne dileme zhdukur nga rreshtat e pare.
Nga kjo ane fajesimi i gjeneralizuar hap mundesi qe te kursehet kohe. Kushdo qe akuzohet, asambleja ja ka thene!
Prototipi abstrakt i hajdutiti qepet si kostum qe i shkon kujtdo!
Ka disa teknika per te unifikuar elitat politike. Korrupsioni, gjakmarrja, lufta e klasave, ideologjia, por eshte edhe fajesimi universal.
Binduni se kushdo mund te jete konkretizim i modelit universal te te korruptuarit. Eshte integrim mes fajesimit!
Ngado shihja fytyra mes pranimit te fajit dhe perpjekjes per t’u hequr i pafajshem nga nje fajesim qe qarkullonte pa emer ne tavan. Jepte si nje ngjyre dinamike mes te verdhes dhe te kuqes neper faqe.
Hera e pare, e shihja kete ylber ne nje salle politike jo aq shume te burrat, sesa ne rimele grash. Me erdhi keq per kete.
