Kryetari i PD-së, Sali Berisha ka denoncuar SPAK se ka amnistuar kryebashkiakun e Tiranës, Erion Veliajn në hetimet për inceneratorin e Tiranës.
Berisha theksoi se fitimi i Erion Velisë dhe klanit të tij i kalon mbi 1 miliard euro në 30 vite me djegësin e Tiranës.
“Shuma e dëmit ditor për 30 vite shkon 19,6 milionë euro. Një krim i shëmtuar. Ky është një hajdut i shpërfytyruar. Është në turpin e tyre që guxuan të amnistojnë një hajdut të tillë. A mundet të nxirret mbi ligjin ky hajdut që nuk njeh ligj dhe as moral. E çon në 800 ton në një kohë kur studimi i fizibilitetit i dorëzuar nga pronarët në letra Zoto dhe Mërtiri kishte nxjerrë shifrën 700 ton. Kjo lëvizje nga 700 në 800 ton kjo do të thotë një faturë jo më 450 milionë euro por vetëm me mbetjet e bashkisë kjo shkon në 470 milionë euro. Po të marim parasysh mbetjet e biznesit në këtë mënyrë fitimi i Erion Velisë dhe klanit të tij i kalon mbi 1 miliard euro në 30 vite”, tha Berisha në një deklaratë nga selia blu.
“SKAP-i i partisë e ka amnistuar Erion Velinë. Qytetarët e Tiranës nuk do ta amnistojnë atë por do ta kapin për zvërgu dhe do ta çojnë aty ku e ka vendin. Prandaj i them shko vetë më mirë sepse nuk ka forcë në botë që të amniston me këtë krim të shëmtuar që ke kryer”, shtoi ai.
