Ka marr fund arratia e 41-vjeçarit Elton Lushaj, i shpallur në kërkim për djegien e tre automjeteve në Vlorë.
Lushaj në bashkëpunim me 2 shtetas të tjerë dogjën qëllimisht 3 automjete, në muajin korrik në lagjen “Pavarësia 3”.
“Shërbimet e Komisariatit të Policisë Vlorë, në vijim të kontrolleve për kapjen e shtetasve të shpallur në kërkim, bazuar në informacionet e siguruara në rrugë operative, kapën dhe ndaluan shtetasin:
E.L., 41 vjeç, banues në Vlorë.
Ndaj këtij shtetasi, Gjykata e Vlorës, me vendimin e datës 23.07.2023, ka caktuar masën e sigurisë “Arrest në burg”, për veprën penale “Shkatërrimi i pronës me zjarr”, pasi dyshohet se ka bashkëpunuar me shtetasit J. Ç., 32 vjeç dhe K. Y., 40 vjeç, të dy banues në Vlorë (të arestuar në flagrancë), për djegien e 3 automjeteve në pronësi të 3 shtetasve, më datë 18.07.2023, në lagjen “Pavarësia 3”,- njofton Policia.
Materiale procedurale i kaluan Prokurorisë, për veprime të mëtejshme.
