Të paktën shtatë besimtarë u vranë pas një sulmi në një xhami në Kaduna të Nigerisë nga një bandë burrash të armatosur.
Sulmi në fshatin Saya, ndodhi vonë të premten derisa besimtarët u mblodhën për falje të namazit. Dy të tjerë të plagosur gjatë sulmit u dërguan në spital për trajtim.
“Pesë persona u qëlluan brenda xhamisë duke u falur dhe dy të tjerët u qëlluan brenda komunitetit të fshatit”, tha një banor i fshatit.
Bandat e njerëzve të armatosur kanë bërë kërdi në të gjithë veriperëndimin e Nigerisë në tre vjetët e fundit, duke rrëmbyer mijëra, duke vrarë qindra dhe duke e bërë të pasigurt në disa zona udhëtimin me rrugë.
