Zëdhënësja e Partisë Demokratike, Floriana Garo ka reaguar në lidhje me Kuvendin Kombëtar të vulës të mbajtur sot nga Lulzim Basha, i cili me disa ndryshime staturo i dha më shumë pushtet vetes.
Përmes një postimi në rrjetet sociale, Garo e konsideon si Kuvendin e Bashës, si “eventi Balla – Brava”, teksa sipas saj, sot Basha fitoi nga Rama monopolin e pengut. Ajo shton më tej se nuk ka rëndësi si e sa keqpërdoret e konsumohet, por sipas saj, rëndësi ka që Basha do vazhdojë të jetë përjetësisht peng – kryetar dhe askush tjetër nuk mund t’ja marrë këtë “privilegj”.
Garo shprehet se emokratët e vërtetë kanë zgjedhur të përballen me Ramën dhe jo të bëhen pjesë e shoqatës së pengjeve Basha apo pazareve të tij
Reagim i zëdhënëses së PD, Floriana Garo:
Më i vetmuar dhe i braktisur se kurrë, Peng Basha, përmes eventit Balla – Brava, fitoi sot nga Rama monopolin e pengut!
Thënë ndryshe, nuk ka rëndësi si e sa keqpërdoret e konsumohet, rëndësi ka që ai do vazhdojë të jetë përjetësisht peng – kryetar dhe askush tjetër nuk mund t’ja marrë këtë “privilegj”.
Demokratët e vërtetë kanë zgjedhur të përballen me Ramën dhe jo të bëhen pjesë e shoqatës së pengjeve Basha apo pazareve të tij!
