Policia e Tiranës ka arrestuar një 34-vjeçar, pasi akuozhet se ka grabitur produkte të ndryshme në disa farmaci të kryeqytetit.
Në kuadër të operacionit policor të koduar “Farma” është vënë në pranga shtetasi me inicialet K. Xh., banues në Tiranë.
Blutë e kryeqytetit bëjnë me dije se nga veprimet hetimore ka rezultuar se ky shtetas ka kryer disa vjedhje, gjatë ditëve të fundit, në disa farmaci në Tiranë, duke u prezantuar si punonjës i depove farmaceutike. Dy prej këtyre vjedhjeve janë dokumentuar me prova ligjore, konkretisht:
– Më datë 21.08.2023 dhe më datë 22.08.2023, ka vjedhur produkte të ndryshme, në dy farmaci, në Tiranë.
Policia njofton se vijon puna për dokumentimin e vjedhjeve të tjera që janë kryer nga ky shtetas. Materialet procedurale i kaluan Prokurorisë pranë Gjykatës së Rrethit Gjyqësor të Juridiksionit të Përgjithshëm Tiranë, për veprime të mëtejshme.
