Një 78-vjeçar është proceduar penalisht në Mat pasi në banesë i është gjetur armë zjarri, si dhe është konfliktuar me një punonjëse të ujësjellësit.
Sipas policisë, “i moshuari nuk ka pranuar të paguajë financiarisht detyrimet mbi konsumimin e ujit në banesën e tij duke u konfliktuar dhe kanosur S.F., me detyrë faturiste pranë degës së Ujësjellës Kanalizimeve në Mat”.
Pas njoftimit të policisë, efektivët kanë shkuar në vendngjarje dhe nga një kontroll në banesën e S.M., 78 vjeç, në lagjen “Pjetër Budi”, janë gjetur dhe sekuestruar 1 armë gjahu dhe 320 fishekë.
I moshuari u shoqërua në komisariat dhe ndaj tij, prokurori vendosi të nisë procedimi në gjendje të lirë.
