Policia ka zbardhur një rast vjedhjeje të ndodhur në një biznes në fshatin Batër të Matit, duke arrestuar dy persona dhe shpallur në kërkim një tjetër.
Në pranga kanë rënë shtetasit me inicialet M.H., 30 vjeç, dhe Y.P., 31 vjeç, banues në Burrel, ndërsa është shpallur në kërkim edhe shtetasi K.N., 23 vjeç.
Sipas hetimeve paraprake, tre shtetasit dyshohet se kanë bashkëpunuar në kryerjen e vjedhjes në subjektin tregtar, ndërsa vijojnë verifikimet për përfshirjen e tyre edhe në raste të tjera të ngjashme.
Materialet i janë referuar Prokurorisë së Dibrës për veprime të mëtejshme procedurale.
