Policia e Matit ka reaguar zyrtarisht lidhur me ngjarjen e rëndë të ndodhur në liqenin e Ulzës, ku dyshohet se ka humbur jetën shtetasi A. Z., 37 vjeç, banues në Laç.
Sipas informacionit paraprak të Policisë së Shtetit, 37-vjeçari, teksa drejtonte një mjet lundrues në liqen, dyshohet se ka humbur kontrollin dhe ka rënë në ujë.
Më pas, në tentativë për të kapur sërish mjetin lundrues, dyshohet se ai është mbytur.
Menjëherë pas njoftimit, janë angazhuar polumbarët e RENEA-s për kërkimin e trupit të 37-vjeçarit, ndërsa shërbimet e Komisariatit të Policisë Mat dhe grupi hetimor ndodhen në vendngjarje dhe po punojnë për zbardhjen e plotë të rrethanave të ngjarjes.
