Një 22 vjeçar ka rënë në prangat e policisë bashkë me një 18 vjeçar. Në Plazhin e ri në Vlorë, dy të rinjtë kishin vjedhur një automjet.
Policia vetëm pak minuta pasi ka marrë njoftimin ka bërë të mundur ndalimin dhe bllokimin e automjetit të vjedhur. Janë shoqëruar 22 vjeçari që ishte në timon dhe 18 vjeçari që ishte pasagjer.
Njoftimi i policisë:
Vlorë
Vodhën një automjet në Plazhin e Ri në Vlorë, reagimi në kohë i policisë, bëri të mundur bllokimin pas disa minutash të automjetit të vjedhur.
Policia shoqëroi një 22-vjeçar që ishte në timon dhe një 18-vjeçar që ishte pasagjer në automjetin e vjedhur.
Policia mori njoftim për vjedhjen e një mjeti në pronësi të shtetasit S. G., në afërsi të “Plazh i Ri”, Vlorë.
Shërbimet e Komisariatit të Policisë Vlorë dhe forcat Shqiponja falë reagimit në kohë, pas disa minutash kërkime bënë të mundur bllokimin e automjetit, në të cilin drejtues mjeti ishte shtetasi 22 vjeç dhe pasagjer shtetasi A. L., 18 vjeç.
Grupi hetimor po vijon punën për zbardhjen e plotë të rrethanave të ngjarjes.
