Policia e Durrësit ka arrestuar një 32-vjeçar, pasi akuzohet për përdhunim.
Në pranga është vënë shtetasi me iniciale F. O., banues në Kuçovë, pasi u kallëzua nga një 19-vjeçare. Kjo e fundit ka deklaruar në polici se 32 vjeçari kishte kryer marrëdhënie seksuale me dhunë, me të, në ambientet e një banese të marrë me qira prej tij. Gjatë kontrollit në banesë policia ka gjetur dhe një dozë kanabisi.
“Specialistët për Hetimin e Krimeve të Stacionit të Policisë Plazh arrestuan në flagrancë shtetasin F. O., 32 vjeç, banues në Kuçovë, pasi ka kallëzuar një 19-vjeçare se ky shtetas ka kryer marrëdhënie seksuale me dhunë, me të, në ambientet e një banese të marrë me qira prej tij. Nga kontrolli i kryer në këtë banesë, Policia gjeti dhe sekuestroi në cilësinë e provës materiale, një dozë të dyshuar të lëndës narkotike cannabis sativa. Vijojnë hetimet për të dokumentuar ligjërisht këtë rast.” thuhet në njoftimin e bluve të qytetit bregdetar.
Materialet procedurale i kaluan Prokurorisë së Durrësit për veprime të mëtejshme.
