Kreu i PD-së, Sali Berisha ka reaguar në lidhje me 8 urdhër-arrestet e lëshuara nga prokurorët e SPAK, Ened Nakuçi dhe Edvin Kondili, për koncesionin e sterilizim, ku masa “arrest me burg” ishte vetëm për ish-zëvendësministrin e Shëndetësisë, Klodian Rrjepaj, si dhe biznesmenin që ka fituar koncesionin Ilir Rrapaj, ndërsa për 6 zyrtarë të tjerë është vendosur “detyrim paraqitje” dhe “arrest shtëpie”.
Berisha e konsideron si drejtësi me regji dhe shton më tej se SPAK-u arrestoi sot me meritë Klodjan Rrjepajn dhe Ilir Rrapaj, por se me këtë krim të shëmtuar sipas tij lidhet drejtpërdrejt dhe kryeministri Edi Rama si dhe ish-ministri i Shëndetësisë Ilir Beqja.
Lideri demokrat shprehet se Rama dhe Beqja, jo vetëm që koncesionin ia falën një emigranti murator në Itali, por lidhën kontratë qindra miliona euroshe, duke e bërë Ilir Rrapajn multimilioner duke ndarë paratë me të. Sipas Berishës, kjo është drejtësi e kontrolluar, pasi për “skapin e partisë” disa janë mbi ligjin.
Ai ka publikuar dhe investigimin e Bold News.al: Sterilizimi, “bingoja” 100 mln euro e kompanive anonime, për më shumë detaje rreth këtij koncesioni abuziv.
Postimi i plotë i Sali Berishës:
Kjo është drejtësia me regji!
Miq, këtu në foto me Edi Ramën është miku i tij Ilir Rrapo i arrestuar mbrëmë për aferën e sterilizimeve. Iliri ishte emigranti murator në Itali të cilit Edi Rama dhe Ilir Beqja i dhanë duke i falur me koncesion impiantin ultramodern të sterilizimit, të blerë nga qeveria dhe të instaluar në spitalin e sapondërtuar të urgjencës. Impianti nuk ishte në punë sepse specialistët për funksionomin e tij ishin në specializim!
Edi Rama dhe Ilir Beqja jo vetëm ia falën ‘ me koncesion, muratorit militant të PS impiantin, por lidhën kontratë qindra milion euro për sterilizimin e veglave dhe mjeteve sanitare dhe e bënë Ilirin duke ndarë para me të, multimilioner.
Edi Rama për të fshehur vjedhjen e tij me Beqen dhe muratorin e vetë pasunar që ndanë me Ramën dhe Beqen qindra milion sikur të ishte një agjent i rëndom i Rrapos për të mbrojtur krimin e vetë kalonte nga studio në studio me një pincë kirurgjikale të thyer dhe të ndryshkur e mashtrone si ordiner qytetarët duke ju thenë se ja me çfarë operoheshin njerëzit para ardhjes së tij në pushtet.
Sot Skapi i Partisë arrestoi në mënyrë të merituar muratorin e mirë të partisë Ilir Rrapo dhe ish zëvendës ministrin e shëndetesisë Rjepaj për nje krim të shemtuar që lidhet direkt me Ramën dhe Beqen e tij. Por në vendin me drejtësi të kontrolluar nga Old Majer për skapin e partisë tëbgjithe janë të barabartë para ligjit, por disa janë më të barabartë se të tjeret dmth jane mbi ligjin. Turp!
Për hollesi të plota lexoni këtu më poshtë investigimin e boldnews
Sterilizimi, “bingoja” 100 mln euro e kompanive anonime
“Sterilizimi”/ Arrestohet ish-zv.ministri i Shëndetësisë Klodian Rrjepaj dhe biznesmeni Ilir Rrapaj
