Të shtëna me armë zjarri janë dëgjuar mesditën e kësaj të hëne në Prishtinë.
Mediat rajonale bëjnë me dije se ngjarja, ka ndodhur në rrugën “Xhevë Lladrovci”, ndërsa nuk raportohet për persona të plagosur. Paraprakisht dyshohet se një person ka qëlluar me armë zjarri në ajër.
Grupi hetimor ka nisur hetimet për zbardhjen e rrethanave të këtij rasti.
“Sot rreth orës 13:00, policia ka marrë informacion për të shtëna me armë në rrugën “Xhevë Lladrovci” në Prishtinë. Menjëherë pas marrjes së informacionit policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në informacionet e deritanishme nuk raportohet për persona të lënduar”, tha Zëdhënësja e Policisë së Kosovës për Rajonin e Prishtinës, Flora Ahmeti.
