Dy vëllezër kanë mbetur të plagosur me thikë pas një sherri natëmn e kaluar në Tiranë.
Burime bëjnë me dije shtetasi Gert Latifi, 35-vjeç, pas një konflikti për motive të dobëta, në rrugën “Thoma Koxhaj”, ka goditur me mjet prerës shtetasit Rrest Abazaj, 26 vjeç dhe Viliardo Abazaj, 31 vjeç (vëllezër), të dy banues në Tiranë, dhe më pas është larguar.
Pas disa orësh ndjekjesh, 35-vjeçari është kapur dhe arrestuar në një hotel në Lushnjë, bashkë me një 17-vjeçar, i cili është vënë në pranga për moskallëzim krimi.
Blutë e kryeqytetit bëjnë me dije se gjatë kontrollit fizik, Gert Latifit iu gjetën dhe sekuestruan 1150 euro, kokainë, si dhe mjeti prerës që dyshohet se ka përdorur për plagosjen e dy vëllezërve.
Siç shihet dhe nga pamjet e publikuara nga policia, 35-vjeçari është kapur me pjatën para me kokainë duke e pirë. Dy vëllezërit e plagosur me thikë ndodhen në spital, nën kujdesin e mjekëve.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
