Detaje të reja kanë dalë në dritë nga ngjarja e rëndë që u raportua pasditen e kësaj të shtune në Greqi, ku u vra me plumb në kokë një shtetas shqiptar.
Mediat e huaja shkruajnë se ngjarja ka ndodhur në ishullin Salamis, ku shqiptari, identiteti i të cilit ende nuk bëhet me dije është qëlluar me armë zjarri në banesën e tij.
Shqiptari mendohet të jetë rreth 55-vjeç, ndërsa ende nuk dihen rrethanat e ngjarjes. Ai është gjetur i vdekur nga miku i tij, i cili ka lajmëruar menjëherë autoritetet. Autori i vrasjes dyshohet të jetë një bashkatdhetar (shqiptar) por ende nuk është konfirmuar zyrtarisht nga autoritetet greke.
Viktima u gjet i ulur në karrige dhe sipas informacioneve paraprake kishte një plumb pas koke.
