Një aksident i rëndë ka ndodhur pasditen e kësaj të shtune, në aksin Gjirokastër-Kakavijë, në afërsi të fshatit Jorgucat në Dropull.
Mësohet se dy automjete janë përplasur me njëri-tjetin, konkretisht një makinë dhe një furgon me turistë. Si pasojë e përplasjes , raportohet se ka humbur jetën një bari i zonës që ndodhet në anë të rrugës duke kullotur bagëtitë. Ndërsa raportohet edhe për një person të plagosur rëndë.
Ende nuk dihen shkaqet dhe rrethanat e ngjarjes, apo identiteti i viktimës. Pritet një njoftim nga ana e bluve për zbardhjen e plotë të rastit.
