Kanë dalë para gjykatës irlandeze dy vëllezërit shqiptarë dhe një shtetas rumun që akuzohen për posedimin e 60 kilogramëve kokainë.
Bëhet fjalë për Gentjan dhe Donatel Dodaj, bashkë me Daniel Afedoaei, për të cilët gjykata vendosi paraburgim.
Mediat e huaja kanë publikuar disa foto ku duket se Gentjan Dodaj, 39 vjeç, mbërriti në seancë dëgjimore me një triko në kokë, për të mbuluar fytyrën. Ai nuk foli gjatë seancës. Ndaj tij u paracaktua një avokat i shtetit pasi Dodaj kohët e fundit kishte nisur një biznes dhe kishte mbetur pa para.
Për vëllain e tij, Donatelin, 22 vjeç u kërkua një përkthyes. Avokatja e tij tha se klienti i saj kishte mbërritur katër javë më parë në Irlandë dhe se banonte me vëllain.
Ndërkohë sekuestrimi i kokainës u bë pas informacioneve inteligjente ndaj një personi që dyshohej i përfshirë me krimin e organizuar
