Një sipërfaqe rruge prej rreth 500 metra gjatësi, është gjetur i mbuluar nga nafta pasditen e kësaj të mërkure në aksin Krujë-Fushë-Krujë në zonën e Krastës.
Nafta dyshohet të ketë rrjedhur nga serboratori i ndonjë automjeti i cili nuk është identifikuar ende nga policia.
Zjarrfikësja e Krujës po bën larjen e segmentit për të evituar aksidentet, ndërkohë policia po punon për të identifikuar mjetin që ka derdhur naftën në këtë aks.
