Pas një aksidenti më 13 Korrik të këtij viti, 35 vjeçari Eduart është shtruar ne spitalin Ushtarak (Spitali i Traumës) dhe është lënë pa mjekim një javë deri sa plaga ka zenë krimba.
Sipas 35-vjeçarit, ai është lënë qëllimisht pa mjekuar nga doktorët, të cilët i kanë kërkuar 5.000 euro për të kryer operacionin në këmbë.
Në një intervistë për Fax News, ai ka zbuluar më shumë mbi neglizhencën kriminale që i është bërë në spitalin e Traumës, ndërsa ky i fundit refuzon që të komentojë rastin për mediat.
Eduard Dërka: Shkova në spital pas aksidentit në datën 13, deri në datën 20 Korrik më lanë pa mjekuar. Pas 7 ditësh pashë krimba në këmbë, u tmerrova. U terrorizova, thashë më “hanë krimbat për së gjalli”. Ndërkohë që nga spitali më thanë se është bërë kështu se është vapë.
Gjendja ime shëndetësore nuk është e mirë, pasi zura krimba më operuan, dhe më mbajtën vetëm tre ditë në spital pas ndërhyrjes.
I drejtohem personalisht kryeministri Rama ta shohë këtë cështje.
Ndërkohë që pavarësisht thirrjes qoftë të të riut, qoftë të familjes së tij, nga spitali i Traumës apo nga Ministria e Shëndetësisë nuk ka asnjë reagim. Gjendja në spitalet publike është në gjendje alarmi, sa herë që qytetarët përballen me probleme emergjente shëndetësore, ndërkohë që korrupsioni është ende një gangrenë për sistemin.
