Deputeti i Partisë Demokratike, Ervin Salianji ka komentuar sherrin që ndodhi ditën e sotme në Hamallaj të Durrësit, ku shoferi i kryetares së Parlamentit, Lindita Nikolla ka nxjerrë armën e shërbimit dhe ka qëlluar mbi 5 herë mbi fqinjët e tij.
Përmes një postimi në rrjete sociale, Salianji shkruan se të fortët e paligjshëm bëjnë ligjin, ndërsa qeverisë pa autoritet i ka mbetur vetëm që të krekoset si gjeli mbi pleh.
Reagimi i Ervin Salianjit:
Te fortët e paligjshëm bëjnë ligjin!
Qeverisë së zgërlaqur në autoritet i ka mbetur vetëm të krekoset si gjeli mbi pleh!
Rendi dhe siguria publike në pikiatë!
Vrasje, dhunë, krim, drogë, vjedhje, pasiguri në çdo cep të territorit!
Kjo qeveri që e ka dorëzuar sovranitetin tek bandat e krimit të organizuar e që i ka veshur me pushtet politik kriminelët dhe që ndan me ta gjithçka përfshirë dhe emërimet në polici, është e pafuqishme të kontrollojë territorin dhe është shkaktarja e situatës!
Policia e politizuar po politizohet dhe më tej ndërkohë që themeli i problemit është përdorimi i saj si strukturë për mbledhjen e votave për PS!
