Një shqiptar i Kosovës i identifikuar si Afrim Bajrami, emigrant në Gjermani, rrezikon të dënohet me burg pasi ka kërcënuar me një adresë facebook “fake”, deputeten e Kosovës, Ariana Musliu-Shoshi.
Mësohet se Bajrami e kishte kërcënuar deputeten se sapo të vinte në Kosovë do ta masakronte me sëpatë atë dhe familjen e saj, e si pasojë ai rrezikon të dënohet me 5 vite burg për veprën penale “Kanosja”.
Mediat e Kosovës raporotjnë se, në aktakuzë prokurori ka propozuar që Afrim Bajramit t’i caktohet masa e paraburgimit pasi i pandehuri punon dhe jeton jashtë Kosovës dhe mund të arratiset.
Aty thuhet se Bajrami mund t’i ikë drejtësisë pasi më parë ka fshehur identitetin e tij personal dhe përmes llogarisë së rreme ka kryer kanosjen ndaj deputetes.
