“Makiazhi mbi fytyrën e korrupsionit nuk e ndryshon realitetin e keqqeverisjes që po vuajnë çdo ditë qytetarët.” Kështu shprehet deputeti i PD-së, Gazment Bardhi, pas deklartave të kryeministrit Edi Rama, i cili pas përfundim të takimit me ministrat tha se është menduar një riorganizim dhe rikoncpetim i procesit qeverisës.
Në një postim në rrjetet sociale, Bardhi shkruan se rikonceptimi i qeverisjes nis nga respekti për votën e lirë, nga largimi i kreut të qeverisë më të korruptuar dhe të lidhur me krimin e organizuar në Europë dhe me vendosjen para drejtësisë të të korruptuarve. Bardhi i kujton Ramës se ka në përbërjen e grupit parlamentar një të arratisur, duke iu referuar Ahmetajt.
Reagimi:
Rikonceptimi i qeverisjes nis nga respekti për votën e lirë, nga largimi i kreut të qeverisë më të korruptuar dhe të lidhur me krimin e organizuar në Europë, me vendosjen para drejtësisë të të korruptuarve.
Makiazhi mbi fytyrën e korrupsionit nuk e ndryshon realitetin e keqqeverisjes që po vuajnë çdo ditë qytetarët.
Sot Edi Rama është kreu i një grupi parlamentar që ka në përbërje të tij një të arratisur të shpallur në kërkim ndërkombëtar nga drejtësia.
Shqiptarët kërkojnë zgjidhje. E vetmja zgjidhje është largimi i Edi Ramës dhe mbajtja e tij përgjegjës për korrupsionin dhe lidhjet me krimin e organizuar.
