Sipas Departamentit Amerikan të Shtetit, Shqipëria nuk është më një vend i sigurtë për shtatsit e saj që duan të udhëtojnë drejt vendit tonë.
Për këtë arsye, DASH e ka kaluar Shqipërinë ditën e sotme nga niveli i parë, që nënkupton masa parprake normale, në nivelin e dytë, që nënkupton se duhet të rritin kujdesin. Këtë paralajmërim DASH e ka për të gjithë shtetasit amerikanë që duan të vijnë në Shqipëri.
“Aftësia e zbatimit të ligjit për të mbrojtur dhe ndihmuar udhëtarët është e kufizuar në disa zona, veçanërisht në rajone të largëta. Ka pasur dhunë në shënjestër të lidhur me rrjetet e paligjshme të drogës dhe krimin e organizuar në mbarë vendin. Udhëtarët duhet të jenë të vetëdijshëm për rrethinën e tyre dhe shtrirjen e policisë dhe shërbimeve të urgjencës në zonën e tyre.” – është përshkrimi që DASH i bën Shqipërisë për shtetasit e saj.
Kjo është një tjetër “këmbanë alarmi” për situatën me kriminalitetin në vendin tonë.
Për më shumë kliko linkun KËTU.
