Edhe kryeministri Edi Rama ka mohuar shkarkimin e ministres së Ekonomisë dhe Financave, Delina Ibrahimaj.
I pyetur nga mediat rreth kësaj çështje, pak para nisjes së mbledhjes së Asamblesë së PS, kreu i qeverisë Edi Rama u përgjigje me një “JO” të prerë, pa dhënë më shumë detaje.
Edhe vetë ministrja Ibrahimaj, kur hyri në Asamblenë e PS-së deklaroi se është ende në detyrë dhe se as nuk është shkarkuar dhe as nuk ka dhënë dorëheqjen, ndërsa lajmet rreth saj i konsideroi si thashethem vere.
“Është koha e thashethemeve të verës, nuk jam shkarkuar dhe nuk kam dhënë dorëheqjen.” – deklaroi shkurtimisht Ibrahimaj për mediat.
