Qytetarët e Rrogozhinës po votojnë këtë të dielë për kryebashkiakun e ri, ndërsa janë konstatuar shkelje të shumta në disa qendra votimi.
Nënkryetarja e KQZ-së Lealba Pelinku, po monitoron nga afër situatën, ndërsa ka pranuar grumbullimin e personave të paautorizuar në qendrat e votimit.
“Kemi pasur nevojë për një ndërhyrje dhe është kryer, problemi ka qenë minimalist. U pezullua 10-15 procesi i votimi. Ishte problemi i printimi.
Lidhur me këtë problematikë, e hasa në 4 QV në shkollën Lekaj, ku vihej re prani e personave të paautorizuar, të cilët nuk duhet të rrinë në Qendrat e Votimit. E kam sinjalizuar. Kanë shkuar dhe përfaqësues të KQZ-së për ta verifikuar si situatë. Rregulli është që personat që duhet të gjenden në QV janë administrata zgjedhore, vëzhguesit e akredituar dhe zgjedhësit në radhë, çdokush tjetër është në shkelje të ligjit”, deklaroi Pelinku.
