Disa incidente dhe problematika janë regjistruar në përsëritjen e zgjedhjeve për bashkinë e Rrogozhinës.
Në një qendër votimi, procesi u ndërpre për disa minuta, pasi një person fotografoi votën, ndërsa rastet e personave të paautorizuar që qëndronin në qendra votimi dhe të tentative për votim familjar, ishin të shumta.
Deputeti i Partisë Demokratike, Oerd Bylykbashi ka folur për ‘Syri Tv’ ku u shpreh se Rama po përdor në mënyrë brutale shtetin, duke dërguar në Rrogozhinë makineritë shtetërore.
Bylykbashi, shtoi gjithashtu se shpreson që KQZ të reagojë më ashpërsi pasi nuk jemi para shkeljeve por para veprave penale.
“Kemi pasur dhe raste të tjera për vjedhje votash, tentativat vazhduan.
Vullneti negativ i Partisë Socialiste për t’i fituar zgjedhjet me shkelje penale të ligjit të kodit penal, nuk ndreqet. Edi Rama kështu i kupton dhe kështu i fiton zgjedhjet, duke përdorur në mënyrë brutale shtetin, duke sjellë këtu makineritë shtetërore dhe duke përdorur shitblerjen e votës.
Kështu që, sigurisht që ka pas tentativa të tjera, por fakti që pas rastit këtu pasi dhe dy tentativa të tjera është tregues. Dhe ajo çfarë unë dua të them është se ne nuk jemi thjeshtë përballë një shkeljeje por është shumë më shumë se sa kaq, është vepër penale një nga mënyrat që kodi penal evidentoI si instrument për shitblerjen e votës, pra zgjedhësi që është i detyruar të dokumentojë votën pra se është ashtu siç i është kërkuar.
Unë pres që KQZ të jetë i ashpër me shkeljet, jemi vetëm në një bashki dhe dihet shumë mirë që shteti përqëndrohet në një goditje frontale kështu që i vetmi garant ligjor në këto momente duhet të jetë KQZ i cili duhet të tregohet shumë i ashpër. Deklaratat në asnjë rast nuk duhet të jenë më gjysmë terma por duhet të jenë të drejpërdrejta, se nuk jemi para shkeljeve por përballë veprave penale, cënojnë sekretin dhe lirinë e votës, nga ana tjetër njerëzit kanë zgjedhur të votojnë.
Dhe ne besojmë se opozita do jetë fituese dhe kësaj radhe por ajo që është për tu theksuar është fakti se përsëri Rama mendon se mund te fitojë zgjedhjet duke përdorur shtetin dhe jo duke lejuar zgjedhësit të votojnë të lirë.”
