Një aksident automobilistik është regjistruar mesditën e kësaj të shtune në aksin rrugor Kardhiq – Delvinë, në afërsi të fshatit Shijan, ku një kamion dhe një mjet tip “Range Rover” janë përplasur me njëra-tjetrën.
Mësohet se në aksident është përfshirë fuoristrada “Range Rover” me targa AB184CZ me drejtues Mariglen Hysa, 24 vjeç, banues në Angli, një automjetin “Mercedes-Benz” me targa BM001SM me drejtues Silgen Mucaj, 34 vjeç dhe mjeti që transporton mbetje me drejtues Alfred Balili 54 vjeç.
Fatmirësisht asnjëri nga drejtuesit e mjeteve nuk janë plagosur.
Ambulanca ka transportuar një grua, Era Bqeiraj, 30 vjeçe nga Fieri, e cila ndodhej në makinën “Benz” pasi ka pësuar tronditje dhe është nën kujdesin e mjekëve.
Ndërkohë grupi hetimor ka shkuar në vendngjarje dhe po punohet për zbardhjen e rrethanave të aksidentit.
