Një ngjarje e rëndë është regjistruar në qytetin e Vitisë në Kosovë, ku një 17-vjeçar ka humbur jetën, pasi është goditur me thikë nga një bashkëmoshatar i tij.
Lajmi është konfirmuar nga zëdhënësi i Policisë për rajonin e Gjilanit, Valon Osmani, i cili deklaron se ngjarja e rëndë ka ndodhur mbrëmjen e së enjtes rreth orës 21:45, moment kur shërbimet e urgjencës kanë marrë njoftimin për plagosjen e një të riu me thikë.
Sipas zëdhënësit të policisë 17-vjeçari është transportuar me urgjencë në spitalin e qytetit, por nuk ka mundur dot t’i mbijetojë plagëve të marra. Policia ka arrestuar autorin e dyshuar, i cili është një bashkëmoshatar i viktimës. , teksa vijon punën për zbardhjen e rrethanave të zënkës mes dy të rinjve.
“I dyshuari A.H. (viti i lindjes 2006, mashkull kosovar shqiptar) është arrestuar dhe nga prokurori i shtetit ndaj ti është lëshuar vendimi mbi ndalim për 24 orë”, njofton policia e Kosovës.
