Kryetari i PL-së, Ilir Meta komentoi pezullimin e fondeve të Bashkimit Evropian për bujqësinë në Shqipëri, dhe tha se kjo është e vonuar, pasi prej vitesh janë bërë denoncime për abuzime me këto fonde.
Meta theksoi se nuk kanë përfituar fermerët dhe sipërmarrësit në fushën e bujqësisë, por përfitojnë persona të lidhur me çështjen e inceneratorëve.
“Është e çuditshme vonesa në ndërprerjen e këtyre fondeve, prej vitesh është bërë denoncimi se fondet e BE shpërdoren nga zyrtarët e lartë. Rasti është ekzemplar ku nuk përfitojnë nga këto fonde fermerë, por përfitojnë persona të lidhur me çështjen e inceneratorëve. Sa i takon përfitimit të vendeve të Ballkanit perëndimori nga fondet e BE është më katastrofiku, as gati 2%. Më pak se Kosova”, tha Meta.
