Kreu i Partisë Demokratike, Sali Berisha ka kërkuar dorëheqjen e menjëhershme të kryeministrit Edi Rama të cilin e bëri përgjegjës për skandalet që çdo ditë mbulojnë njëra-tjetrën nga Gjici, dhuna barbare e fisit Rraja deri tek afera dhe arratisja e Ahmetajt.
Berisha ka reaguar ashpër nga Kuvendi, ndërsa akuzoi maxhorancën se po ngrihen kundër Kushtetutës. Ai tha se mosfutja në rend të ditës të mocionit me debat me Ramën, është akt i turpshëm i mazhorancës.
“Akt i turpshëm që bëni ju, shkelmim i ligjeve. Kryetarja e parlamentit e cila duhet të jetë mbrojtëse, zbatuese kryesore e kushtetutës, rregullores së parlamentit e shkelmon me të dyja këmbët, për interesa të Gjinushit, Tom Doshit. Ai zotëria (Rama) që nxin me mungesën e tij duhet të vijë sot në parlament. Sot mbyllet parlamenti, mbyllet me faqe të zezë për shkak të tij. Ka një mocion për interpelancë për arratisjen e numrit dy të qeverisë. Ju ngriheni kundër kushtetutës, doni të rrezoni këtë të drejtë me vota këtu.
Është e paimagjinueshme sjellja juaj. Nqs ligji dhe kushtetuta thotë se një ligj nuk mund të hy në rend dite pa kaluar 48orë dhe ti e shkel atë, ti kryen një shkelje të rëndë ligjorë, të njëjtë me banditët Rraja që rrihnin qytetarët me shkopa bejsbolli. Nëse doni të bënë këtë gjë, ndryshoni rregulloren.
Është akt i turpshëm, është një provokim i ulet, shkelmim i ligjeve, kur kryetarja e parlamentit, qe duhet të jetë mbrojtëse dhe shkel për interesa të Gjinushit, Ramës dhe Doshit, është fundi i parlamentit.
Ai zotëria (Rama) duhet të vijë sot në parlament, të dalë para shqiptarëve, se ka një mocion dhe interpelancë për arratisjen nga vendi të numrit të dy të qeverisë.
Ju dilni kundër kushtetutës. Kush do flas për zv, kryeministrin, ju? Ju nuk keni tagër, as ministrat. Të japë dorëheqjen, kjo është rruga e vetme, këtë presin sot shqiptarët, duhet të largohet”, tha Berisha.
- Kuvendi nis me tensione, Berisha del me pankartë në foltore
Ka nisur me debate dhe tensione, pasi opozita nuk pranon ndryshimin e rendit të ditës, ku janë parashikuar për diskutim dhe votim disa projektligje.
Një ndër to është projektligji për studentët e Mjekësisë dhe kanabisi për qëllime mjekësore. Deputetët e opozitës kanë shkuar me pankarta në Kuvend dhe kërkojnë që kryeministri Edi Ram të jetë prezent në sallë.
“Mafia e plehrave”, shkuhet në pankartën që Sali Berisha mban në duar teksa drejtohet në foltore.
