Një fëmijë 13 vjeç është gjetur i pajetë brenda një automjeti, i parkuar në garazhin e banesës së familjes, në Babrru të Tiranës.
Dyshimet paraprake të grupit hetimor janë se i mituri ka humbur jetën nga asfiksia.
“Në Babrru, është gjetur nga familjarët, brenda automjetit në garazhin e banesës, pa shenja jete, një shtetas i mitur 13 vjeç. Paraprakisht dyshohet se vdekja është shkaktuar nga asfiksia. Grupi hetimor po punon për sqarimin e rrethanave të ngjarjes”, thuhet në një njoftim të policisë.
Policia nuk saktëson arsyet e dyshuara të asfiksisë dhe as rrethana të tjera rreth ngjarjes.
Ndërkohë, burime pranë grupit hetimor bëjnë me dije se në oborrin e banesës i ati i fëmijës, ushtronte profesionin e mekanikut.
Sipas deklaratave të para të këtij të fundit, fëmija ishte në një automjet, në të cilin ai ishte duke i hequr baterinë. Aroma e lëshuar gjatë procesit të riparimit dyshohet të jetë shkaktuar asfiksinë e të miturit.
