Një edukatore kopshti në Kinë ka helmuar qullin e 25 fëmijëve për hakmarrje pas një debati me kolegen e saj. Ndërsa 2 nga 25 nxënësit e helmuar vdiqën, mësuesi u ekzekutua.
Wang Yun, 39 vjeç, u arrestua dhe më vonë u dënua me vdekje pasi helmoi nxënësit në kopshtin ‘Mengmeng’ në Jiaozuo.
Wang dyshohet se ka vënë nitritin e natriumit në mëngjesin e fëmijëve që kishte nën kujdestari. Sipas mediave vendase, ajo tentoi t’i shmangej dënimit kapital, por nuk ia arriti.
Më 27 mars, policia nisi një hetim për helmimin e supozuar të fëmijëve nga Wang, pasi 23 prej tyre filluan të kishin të vjella dhe ndjesi të fikëti, vetëm pak çaste pasi hëngrën mëngjesin.
Autoritetet më vonë zbuluan se gjithsej 25 fëmijë u helmuan në këtë incident që tronditi Kinën dhe bëri bujë botërore.
