Gazetarja Ola Xama që ka publikuar sot një investigim në lidhje me inceneratorin e Tiranës, të kërkuar nga Erion Veliaj, është shprehur se SPAK e konsideron këtë aferë, si korruptive. Duke folur në SYRI TV, Xama është shprehur se SPAK e konsideron të gabuar dhe të paligjshëm inceneratorin e Tiranës.
“Meqenëse çështja është nën hetim, me atë që kam lexuar në dosje, SPAK e konsideron inceneratorin e Tiranës një aferë korruptive, sepse e akuzon Arben Ahmetajn, se ti e ke kundërshtuar dhënien e financimit, e ke ditur se nuk ka qenë një procedurë dhe një proces i rregullt, pse ke dhënë miratimin. Pra me këtë fjali, SPAK thotë se procedura e inceneratorit të Tiranës është e gabuar dhe e paligjshme. Te kapitulli i inceneratorit të Tiranës, Ahmetaj fajësohet se edhe pse e ka ditur se procedura ishte e paligjshme dhe ka pasur implikime financiare të papërballueshme për buxhetin e shtetit, ai ka dërguar një shkresë pa koment. Duke qenë se ministria e Financave mori kompetenca që çdo procedurë PPP-je, duhej të merrej vendimi nga ministri i Financave dhe drejtoria e Koncensioneve, ministri kishte në dorë ta bllokonte ose ti hapte rrugë këtij procesi dhe ministri i financave pas disa kundërshtimeve, pas marrjes përsipër të financimit nga bashkia e Tiranës, nëpërmjet parave që transferon qeveria nëpërmjet transfertave të pakushtëzuara, që bashkia bën ç’të dojë me këto lekë, Ahmetaj merr një përgjigje nga Erion Veliajt se me këto fonde do të përballoheshin kostot për inceneratorin e Tiranës, nuk e bllokon procedurën, por e jep miratimin pa koment”, tha Ola Xama
Për gazetaren, Erion Veliaj nuk e ka pranuar kurrë faktin se ai është kërkuesi i inceneratorit të Tiranës, por në dokumentet e SPAK thuhet se ai është njeriu që ka kërkuar i pari për të ndërtuar një incenerator në Tiranë. Ola Xama u shpreh se deri më tani, inceneratorit i Tiranës që nuk ekziston, ka marrë 100 mln euro.
“Propozimi thuhet se është nga Erion Veliaj. Ajo që ne si gazetarë mund të bëjmë interpretim është ajo, se çfarë ka thënë publikisht për këtë. Veliaj ka thënë që unë thjeshtë jam shprehur dakord sepse doja të zgjidhja problemin e mbetjeve. Nuk ka marrë kurrë përsipër që ai ka qenë iniciatori i inceneratorit në Tiranë. Ndërkohë që dosja e SPAK thotë se ai ka nisur dy shkresa, një në janar të vitit 2016, kur ishte ministër Financash, Shkëlqim Çani dhe një në shkurt të 2016, kur ishte ministër Financash, Arben Ahmetaj. Kjo procedurë është kundërshtuar si nga Cani edhe nga drejtoresha e përgjithshme e Buxhetit, Mimoza Dhëmbi, të cilën e përgëzoj për mbrojtjen që i ka bërë buxhetit të shtetit. Ideja për inceneratorin e Tiranës është e Veliajt. Unë kam shumë perceptime, por edhe nga raportet që kam lexuar të monitorimit të kontratës, ka marrë deri më sot 100 milionë euro. 60 mln euro janë nga taksat e buxhetit të shtetit dhe sot nuk kemi incenerator. Dhe 40 mln euro janë nga kontrata e depozitimit të dherave dhe mbetjeve të firmave private. 13-15 mln euro në vit ka dhënë bashkia e Tiranës, ajo e Durrësit dhe bashkia e Kavajës ka tarifën më të shtrenjtë edhe pse është një bashki në falimentim”, tha Ola Xama
