Kryetari demokrat Sali berisha, në fjalën e tij në Kuved, foli për largimin e Arben Ahmetajt nga Shqipëria pak orë para se në Kuvend të vinte kërkesa e SPAK për arrestimin e tij.
Kujtojmë se Ahmetaj akuzohet për pastrim parash, deklarim të rremë e fshehje pasurie dhe korrupsion pasiv.
Berisha ka bërë edhe një thirrje që në seancën e sotme plenare të ndryshohet rendi i ditës dhe të diskutohet për Arben Ahmetajn.
Më tej Berisha iu drejtua Damian Gjiknurit duke e pyetur: “Ti e përcolle?”.
“Mblidheni në këtë seancë pasi ka ndodhur akti më i turpshëm , më i pashembullt, më i jashtëzakonshëm në historinë e një vendi. Figura e dytë e narkoqeverisë është arratisur dhe raporti juaj i drejtësisë është akti më i turpshëm, pasi ka vjedhur si gopske, pasi ka mbush baulet duke vjedhur më të varfërit e Shqiëprisë, ia mbath. A jeni ju të vetëdijshëm se cdo të thotë kjo për një zyrtar, deputet, ministër. Si reagoni në këtë mënyrë. Në vend që të diskutojmë për këtë ngjarje, që tejkalon cdo permasë, një njeri që ua servirët shqiptarëve si njeriun e suksesit, ikën në mënyrën më të turpshme dhe e informoni që të ikte. 4 ore para se ti vinte kërkesa në Kuvend, u njoftua.
E përcolle ti Damian apo jo? Se dikush e përcolli atë. Cështë ky reagim mo? A keni moral, cipë?”- tha Berisha.
