Ka ardhur së fundmi një deklaratë publike nga ana e funksionarëve të PS-së, për kërkesën e SPAK ku kërkon aprovimin për arrestimin e ish-zv.kryeministrit Arben Ahmetaj.
Pas përfundimit të mbledhjes së Këshillit të Mandateve, deputeti socialist Arben Pëllumbi në një prononcim për mediat deklaroi se mazhoranca nuk e kishte gati sot raportin për Ahmetajn, pasi sipas tij, duhet të dëgjohej dhe pala mbrojtëse. Ai tha se do ta dorëzojnë të premten para orës 12:00.
I pyetur nëse a e leshëoi PS, Arben Ahmetajn, Pëllumbi ka zgjedhur të mos bëjë deklarata politike, por është fokusuar gjatë fjalës së tij në një përshkrim të teknikaliteteve të këtij procesi.
“Këshilli do t’i sugjerojë seancës plenare dhënien e autorizimit për kërkesën e SPAK që të zhvillohet një proces i rregullt. Duhet të përgatitet mendimi dhe raporti i mazhorancës. Ne sot nuk mund të kishim një raport të parapërgatitur pa dëgjuar palën mbrojtëse. Ne do të përgatisim raportin tonë të cilin do ta dërgojmë në të premten para orës 12:00. U diskutua dhe kryetarja do të vendosë që ditën e hënë do të ketë një ditë të posaçme. Të kuptojmë se këshillit për Mandatet nuk është gjykatë. Nuk jam personalisht, jemi anëtarë të këshillit të Mandateve dhe përfaqësojmë 140 deputetët. Do t’i japim sugjerimin seancës. Gjykojmë vetëm nëse procedura për dhënien e kësaj të drejte është zbatuar apo jo dhe ka apo jo fakte nëse ndaj kolegut tonë ka ndikime politike apo jo. Përsa kohë ne bindemi që procedura është e rregullt dhe nuk ka fakte të cilat të vërtetojnë që ka një tejkalim të kërkesave për hëqjen e imunitetit, sigurisht ne kemi qëndrimin tonë për të mos bërë avokatin e askujt.” tha Pëllumbi.
