Vijon me debate mbledhja e Këshillit të Mandateve dhe Imunitetit ku po shqyrtohet kërkesa e SPAK, i cili kërkon autorizim për arrestimin e deputetit të PS-së, Arben Ahmetaj.
Mazhoranca ka propozuar që të ndërpritet mbledhja e sotme dhe të mblidhen sërish ditën e premte për të bërë raportin që do t’i dorëzohet Kuvendit. Ndërsa ka propozuar që Kuvendi të mblidhet ditën e hënë, në orën 17:00, në një seancë të posaçme për të vendosur mbi imunitetit e Ahmetajt dhe t’i japë autorizim SPAK-ut për arrestimin e tij.
Por, propozimi është kundërshtuar nga opozita, të cilët deklarojnë se nuk i duhet dhënë kohë më tepër, pasi ‘kjo ndihmon Ahmetajn që të fshihet’.
