Ish-ministri i Drejtësi, Ylli Manjani ka ironizuar mbledhjen e Këshillit të Mandateve, ku po shqyrtohet kërkesa e SPAK për heqjen e imunitetit të deputetit të PS-së, Arben Ahmetaj që më pas të arrestohet. Mbledhja po zhvillohet me dyer të mbyllura, me urdhër të SPAK, kërkesë e aprovuar nga mazhoranca, por e kundërshtuar nga opozita.
Në një postim në rrjetet sociale, Manjani e konsideron qesharake mbajtjen e mbledhjes me dyer të mbyllura, pasi sipas tij, Ahmetaj nuk ndodhet në Shqipëri, dosja u publikua në portale dhe s’ka më sekrete. Më tej, ai shkruan se SPAK dhe PS bën sikur janë korrekt me ligjin, por sipas tij, ata e kanë shpartalluar në të gjitha drejtimet ligjin.
“Qesharakë pa kufinj!
I zoti i punës nuk është aty. I dhanë shansin të ikë, të largohet.
Materialet e SPAK janë nëpër portale.
Atëherë pse e mbyllin mbledhjen këta?!
Ç’ka më sekret apo konfidenciale në këtë çështje?!
Qesharakë!
Bëjnë sikur janë super korrekt me ligjin ndërkohë që e kanë shpartalluar në të gjitha drejtimet,” shkruan Manjani.
