Një bandë kriminale, shqiptaro-spanjolle që merrej me trafikimin e lëndëve nartoktike, është zbuluar nga Policia këtë të Martë.
Si rezultat kanë rënë në pranga 26 anëtarë të kësaj organizate kriminale. Mediat e huaja raportojnë se banda dërgonte marijuanë në vende të ndryshme të Gjermanisë të fshehur në kuti kartoni, nëpërmjet kompanive postare.
Dërguesit dhe marrësit e këtyre dërgesave ishin gjithmonë fiktive në përpjekje për të vështirësuar origjinën e tyre të vërtetë në rast se ato zbuloheshin.
Mësohet se për të kryer çmontimin e organizatës, janë regjistruar 16 prona në Murcia, Torrevieja, Alicante dhe Barcelona, ku u gjetën 500 kilogramë kanabis të paketuara dhe të përgatitura në mënyrë perfekte për shitje, lëndë të tjera narkotike si heroinë dhe kokainë, nëntë automjete të përdorura nga grupi kriminal dhe më shumë se 70 mijë euro cash.
Nga 26 personat e arrestuar, me kombësi shqiptare dhe spanjolle, 13 prej tyre janë lënë në burg.
