Kreu i SPAK, Altin Dumani, u pyet nga deputetja Elda Hoti në Kuvend për hetimet mbi persona të lidhur me krimin e organizuar dhe përfshirjen e tyre në koncensione, si dhe për dosjen e njohur si Aruba.
Dumani tha se SPAK ka nisur procedime për këta persona dhe se trendi i ekstradimeve të shqiptarëve nga jashtë vendit është në rritje, nga të gjitha vendet e Europës, Amerika Latine dhe Emiratet e Bashkuara.
Dumani: Detyra e SPAK është të regjistrojë procedim penale, të hetojë dhe të ngrejë akuza dhe nga ana jonë ky detyrim është i përmbushur, kemi masa sigurimi nga gjykata për grupe kriminale dhe prokuroria nuk i bënë gjë tjetër veçse të shpall masat e sigurimit dhe ti shpall në kërkim kur s’janë në Shqipëri.
Po të shohësh trendin e ekstradimeve, ai është rritës nga të gjitha vendet e Europës po edhe nga Amerika Latine dhe nga Emiratet e Bashkuara. Në 2024 numri i ekstradimeve për persona që janë kapur jashtë Shqipërisë dhe më pas janë ekstraduar këtu janë në rritje. Kështu e rëndësishme është që ti vësh para përgjegjësisë penale sepse duhet që të vuajnë pasojat e paligjshmërisë që kanë kryer.
Sa i përket dosjes Aruba, kreu i SPAK u shpreh sërish se nuk mund të japë asnjë koment për këtë çështje.
Dumani: Nuk kam asnjë koment lidhur me këtë pyetje.
