Deputeti i PD-së, Gazment Bardhi ka reaguar pas vendimit të kryeministrit Edi Rama për shkakrimin e ministrit të Brendshëm, Bledi Çuçi dhe emërimin në vend të tij të Taulant Ballës.
Në një postim në Twitter, Bardhi shkruan se vetëm në Qeverinë e Edi Ramës ndodh që emërohen ministrat e Brendshëm për të forcuar dhe konsoliduar lidhjet mes krimit të organizuar dhe qeverisjes.
Sipas tij, emërimi i Ballës si ministër i Brendshëm, është shumëfish më i rëndë sesa vetë ngjarja e Krujës që solli shkarkimin e Çuçit. Ai shton më tej se dorëzimi i Ministrisë së Brendshme në duart e krimit të organizuar është kapitullim i shtetit.
“Botërisht dihet që Ministrat e Brendshëm emërohen për të luftuar krimin e organizuar. Vetëm në Qeverinë e Edi Ramës ndodh që emërohen për të forcuar dhe konsoliduar lidhjet mes krimit të organizuar dhe qeverisjes! Akti i sotëm i Edi Ramës është shumëfish më i rëndë sesa vetë ngjarja që solli shkarkimin e merituar të ish Ministrit Çuçi! Dorëzimi i Ministrisë së Brendshme në duart e krimit të organizuar është kapitullim i shtetit!” shkruan Bardhi.
